النصي القديم واللعبة السيئة

16

 

دشيماء رفعت

كالعادة وبعد اي حدث بتابع ردود افعال اللجان الالكترونية واجمع كلامهم
وكالعادة طبعا بيبقي كلامهم كله عبارة عن اسكربت مكتوب ومتوزع عليهم وكلهم بيقولوه في وقت واحد وبسرعة عجيبة والاهم في الموضوع حشر اسم السيسي باي شكل وباي طريقة علشان يطلع هو سبب كل المصايب الي في الكوكب
الاسكربت المرة دي هو كلام قاله السيسي من فترة انه لازم ناخد بالنا من المساجد الي خارج السيطرة لانها بتبقي مكان لزرع الافكار المتطرفة والترويج ليها
وكل يتاما البنا في نفس واحد كتبوا ان الكلمتين دول هما سبب الهجوم الارهابي علي مسجد نيوزيلاندا معرفش ازاي بس هو كده وخلاص
طيب سؤال معلش للاخوة اللجان
هل حد فيكوا اتكلم علي افكار حسن البنا وسيد قطب اساس كل افكار الجماعات المتطرفة من اول الجماعات الاسلامية للقاعدة لداعش لغيرها ؟
حد فيكوا اتكلم عن المسلمين الي اتقتلوا علي ايد الدواعش في العريش وهما بيصلوا ؟؟؟؟مش كنتوا بتبرروا قتلهم يارمم وبتقولوا صوفيين
حد فيكوا اتكلم عن المسيحيين الي اتقتلوا في الكنايس او الي اتقتلوا وهما رايحين يصلوا ودخلوا عليهم في الاتوبيسات وقتلوهم وكان فيهم اطفال وستات ؟؟؟
حد فيكوا اتكلم عن مئات الشهداء الي اتقتلوا من الجيش والشرطة والمدنيين بتفجيراتكوا يا مجرمين
انتوا تخرسوا خالص لانكوا اساس كل مصايب الكوكب
لفت نظري كمان كم التحريض الغير طبيعي من يتاما البنا واتباعهم والي انتهي ببيان داعش انهم هيردوا وانتظروا جريمة ارهابية بشعة الفترة الجاية 

لفت نظري كمان ردود افعال بعض الاجانب والي اثبتت ان التطرف ملوش اي علاقة بدين زي ما بيسوقوا وان في تعليقات متطرفة بشكل قذر ودا هتلاقوه في اسكرينات منزالها لبعض التعليقات علي الخبر
وكمان السلاح الي استخدمه الارهابي والكلام المكتوب عليه واسامي مجرمين قتله عملوا جرايم عنصرية وهما دول بقي مثله الاعلي
وبرضو ردود افعال رؤوس الاسلاميين واتباعهم واللعب علي وتر الدين والاسلام الي جابنا ورا وصور لكتير ان الاسلام دا هو دين للعنف والقتل وبس
افتكرت وقتها كلام السيسي الي معجبش يتاما البنا لما قال انه مينفعش ان الانطباع الي يتاخد عن المليار ونص مسلم انهم الي لازم يحكموا الكون وغيرهم يسمع ويطيع ويبقي زيهم او يتقتل وقال ان دا بيضر الاسلام مش بيفيده وان دا عكس سنة الله في الارض
مفيش حرف قاله السيسي محصلش مفيش حاجة حذر منها وعمل فوكس عليها ملقيناهاش صح وبتتحقق قدام عنينا

لفت نظري كمان ان الارهابي القاتل اتحرك بمنتهي الراحة والامان لمدة 5 دقايق علي الاقل دخل وقتل الناس في المسجد وخرج وضرب نار عشوائي وبعدين راح بدل الرشاش
من عربيته ورجع تاني دخل المسجد وراح يضرب الناس الي موتهم تاني بمنتهي الغل الي في الكون علشان يتاكد انهم ماتوا وخرج وضرب الست الي موتها علي الارض وفرتك راسها وركب عربيته وداس عليها وفضل سايق حوالي 5 دقايق كمان او اكتر كب دا ومفيش مخلوق قرب منه ولا وقفه ولا شرطة ولا حد لقيناه في المشهد (الكلام للاخوة بتوع الدونية والتقصير الامني وجلد الذات عمال علي بطال )
ودا بيصور الي وصلناله من الدموية في العالم كله وان القتل بقي من اسهل ما يكون
للاسف احنا عايشين حالة بشعة من الدموية وهنفضل في دوامة العنف دي لحد ما نقضي علي كل المتطرفين فكريا الي دخلونا في القرف دا كله ونتعلم اننا مش لوحدنا في الدنيا ولازم نقبل دا ولما نحزن علي حد اتغدر بيه نحزن لانه انسان وبس مش علشان مسلم ولا مسيحي
ربنا يخرجنا من القرف دا وينجينا وينجي بلدنا ويرحم كل الي ماتوا غدر وملهمش اي ذنب

اول حاجة لفتت نظري وانا بتفرج علي فديو السفاح النيوزيلندي هو طريقة التصوير وقد ايه هو مشابة جدا للعبةpubg الانتشار المرعب للعبة وخاصة بين الشباب الصغير والاطفال (وابني اولهم) مش من فراغ ولا الالعاب الي من النوع دا بتبقي مجرد العاب للتسلية دي وراها هدف لا اهداف واهمها التدريب المتقن والتعود علي العنف وممارسته دا غير انك بتلاعب وبتكلم ناس من كل جنسيات العالم (واسرائيل اولهم وبشكل علني) والله اعلم ايه الكلام الي بيترمي للعيال الصغيرة دا غير التطبيع الغير مباشر وخلق اجيال غير معادية ليهم ودا اهم اهدافهم الي ادربوا عليها في صيربيا والي قالها الخاين احمد ماهر في احد مكالماته المسربة وكلنا سمعناها
خدوا بالكوا من عيالكوا بوصيكوا وبوصي نفسي
وربنا يحفظهم ويحميهم من شياطين الانس
ملحوظة يا جماعة انا مش بقول ان اللعبة هي الي خلت المجرم يقتل المصلين انا بقول ان الالعاب الي من النوع دا بتربي ولادنا علي العنف دا غير الاهداف التانية الي شرحتها
وعارفة ان الارهابي قتل علشان الدين والعرق انا بقول خدوا بااااالكوا من عيالكوا ومن الي بيشوفوه والسلام عليكم ورحمة الله وبركاته

اترك رد

لن يتم نشر عنوان بريدك الإلكتروني.